آپ نے کتنی ہی خواتین کو کہتے سنا ہو گا کہ باورچی خانے کے کام کبھی ختم نہیں ہوتے اور یہ کچھ ایسا غلط بھی نہیں۔ باروچی خانہ وہ جگہ ہے جہاں ایک کام ختم کرتے ہی دوسرا نظر آ جاتا ہے اور دوسرا ختم کرتے ہی تیسرا۔ مگر کیا آپ کو نہیں لگتا کہ انہی کاموں کو آسان کر دینے کا کوئی طریقہ ہونا چاہیے تھا؟ کچھ ایسا جو ان گھنٹوں پر محیط کاموں کو منٹوں میں ختم کر دے؟ ایسی سوچ رکھنے والے آپ اکیلے نہیں ہیں۔ اور اسی لیے آج ہومی فائی آپ کی مدد سے لیے چند ایسی تجاویز لایا ہےجو یہ تمام کام آپ کے لیے آسان کر دیں۔
اگر آپ کے کچن میں بدبو پھیل گئی ہے یہ آپ بس اچھی خوشبو کے موڈ میں ہیں تو ونیلا ایسنس آپ کی مدد کر سکتا ہے۔ بس اس کے دو چمچ ایک ڈش میں ڈال کر ایک گھنٹے کے لیے اوون میں رکھیں۔ ایک خوشگوار خوشبو آپ کے کچن اور گھر کے باقی حصوں میں بھی پھیل جائے گی۔ آپ چاہیں تو کسی اور نباتاتی تیل کے ساتھ بھی یہی تجربہ کر سکتے ہیں۔
کچن سنک بھر جانا مصیبت کا باعث ہوتا ہے۔ اس سے بچنے کے لیے ہو چند دن بعد سنک میں تھوڑا سا ابلتا ہوا پانی ضرور بہائیں۔ ایسا کرنے کے کھانے میں موجود تیل اور گھی کے ذرات پائپوں میں چپکنے کے بجائے بہہ جاتے ہیں اور پائپ بند نہیں ہوتے۔ اگر آپ پانی کے ساتھ کچھ بیکنگ سوڈا بھی بہائیں تو ہو قسم کی بدبو بھی جاتی رہے گی۔
کیا آپ جانتے ہیں کہ آپ گلاس کلینر سے سٹیل کا سنک اور دوسرا سامان بھی صاف کر سکتے ہیں اور یہ میسے ہی چمکیں گے جیسے شیشے اور آئینے چمکتے ہیں۔ یہاں تک کہ ان پر موجود انگلیوں کے نشانات بھی غائب ہو جائیں گے۔ بس ایک تولیے پر اس کے کچھ قطرے ڈال کر اس سے سٹیل صاف کریں اور استعمال کے بعد اس کپڑے کو دھو کر سکھا لیں۔
کیا آپ گلاس کلینر میں کیمیکلز کی موجودگی کے باعث اس کے استعمال سے نالاں ہیں؟ تو آپ کے لیے ایک اور حل بھی موجود ہے۔ بس ایک نرم کپڑے کے ٹکڑے پر تھوڑا سا سوکھا آٹا ڈالیں اور اسے سٹیل کی اشیاء پر رگڑیں۔ دھلنےکے بعد آپ کا سامان نئے جیسا ہو جائے گا۔
اگر آپ سٹیل کے چھری چمچ صابن سےدھوتے رہیں تو آخر کار ان پر زنگ لگ جاتا ہے۔ ایسی صورت میں ان چھری کانٹوں کو دو منٹ کے لیے لیموں کے رس سے بھرے گلاس میں رکھیں۔ اس سے زنگ نرم پڑ جائے گا اور آسانی سے صاف ہو جائے گا۔ بس آخر میں ان چھری کانٹوں کو اچھی طرح سکھانا نہ بھولیں، ایسا نہ ہو کہ ان پر دوبارہ زنگ آ جائے۔
کافی بار مائیکرو ویو میں رکھا آپ کا کھانا پھٹ جاتا ہے اور اس میں گند ہی گند بکھر جاتا ہے۔ ایسے میں اسے صاف کرنا خاصا مشکل ہوتا ہے۔ سو اس کا آسان حل یہ ہے کہ آپ ایک سفنج گیلا کر کے اسے اپنے مائکرو ویو میں رکھیں اور پھر اس کے اندر نباتاتی تیل کا سپرے کریں۔ مائکرو ویوآن کر کے سفنج کو دو منٹ تک اس کے اندر رہنے دیں، پھر اسے بند کر کے ٹھنڈ ہونے کا انتظار کریں۔ آخر میں بچا کھچا گند کپڑے کی مدد سے آسانی سے پونچھ لیں۔
کچن کے بارے میں مزیدجانئے: باورچی خانے کے لیے دلچسپ تجاویز۔